Арсовска: Немам фирма на мое име ниту долгови, ќе поднесам тужба за клевета

Од:

Кандидатката за градоначалничка на Скопје, Данела Арсовска, преку соопштение реагира на денешната прес конференција на Дарко Каевски од СДСМ.

„Згрозена сум од конструкциите што ги пласира СДСМ. Не само што информациите изнесени на прес конференцијата не се точни, туку безобразна политичка конструкција. Поради тоа ќе поднесам тужба за клевета до Дарко Каевски од СДСМ кој ги изнесе овие невистини. Јас не сум политичар, зад мене не стои политичка партија да ме брани, затоа ќе се бранам по институционален пат.

Доколку би имала каква било дамка лично и професионално немаше да се впуштам во битката за градоначалник спроти политичари кои освен црна кампања не можат да сработат ништо друго и очекувам дека ќе напаѓаат.

Јас ниту имам фирма на мое име, ниту имам долг по основ на неплатена сметка за електрична енергија. Веќе 7 години со својот ангажман сум претседател на Сојузот на стопански комори на Македонија и со години не сум активна во ниту една фирма.

Повеќе од очигледен е стравот на СДСМ и Петре Шилегов дека нивното време во град Скопје завршува и дека сите злоупотреби на градот ќе бидат отворени и предмет на ревизија“, се наведува во соопштението на Арсовска.

Би можело да ве интересира

(ВИДЕО) Кузеска: За само четири месеци власта годинава потрошила 30.000 евра за јадење по скапи ресторани

СДСМ: Стоиме рамо до рамо со работниците

СДСМ почна постапката за утврдување кандидати на СДСМ за локалните избори

СДСМ: Македонија на дното во регионот по економски раст и според Светска банка

СДСМ: И според Светска банка, Македонија ќе биде на дното во регионот по економски раст

(ВИДЕО) Талески: Скандалот со Стефковски покажа колкав распад се случува во МВР