Рано е да се прогнозира дали Македонија на самитот на Европската унија(ЕУ) во декември ќе добие датум за преговори, изјави вицепремиерката за европски интеграции Теута Арифи, во интервјуто за вестите на Алфа ТВ.
Таа изрази очекување дека земјата ќе добие позитивен извештај од Европската комисија(ЕК).
„Мислам дека треба да очекуваме позитивен извештај, кој ќе биде приказ на нашата реалност. Оценките за нашиот напредок, ЕУ не ги прави ‘за атер’, па да ги испегла видувањата за нас. Јас мислам дека нивната отвореност и критичност ќе останат и тоа е добро, но нивната оценка во овој период се базираше на договорените приоритети, кои ние си ги зададовме заедно со нив и врз основа на тие приоритети ние сме позитивно оценети”, вели меѓу другото вицепремиерката Арифи за вестите на Алфа.