Градоначалничката на општина Тетово Теута Арифи и италијанскиот амбасадор во Република Македонија Ернесто Масимино Белели денеска во Тетово потпишаа меморандум за соработка за формирање италијански културен Центар во рамки на општината.
– Договорот за соработка се однесува на заедничката инцијатива за отворање италијанско катче во Тетово што е во почетна фаза. Секогаш сме имале отворена и добра соработка со амбасадите на сите европски земји што се во Скопје и за нас како општина тоа е не само интерес, туку и обврска да придонесеме за отварање на центри со што ќе се промовираа европските јазици, култура и цивилизација изјави Арифи.
Според амбасадорот Белели преку идниот италијански културен центар граѓаните на Тетово и околината ќе имаат можност подобро да се запознаат со италијанската култура и јазик, а потпишувањето на овој меморандум е само чекор за продлабочување на економската соработка помеѓу Македонија и Италија.
– Во италијанското катче ќе има книги и филмови на италијански јазик но и место каде сите заинтересирани ќе можат да се информираа за можностите за стипендирање на учениците и студентите во Италија, рече амбасадорот Белели.
На потпишување на меморандумот за соработка присуствуваше и ректорот на Универзитетот на Југоисточна Европа во Тетово Замир Дика.