Разбојник од Арачиново доби кривична пријава откако полицијата утврдила дека заедно со негов ортак, кој е во бегство, најпрвин украле кола од скопската населба Маџари, а потоа со украдениот автомобил отишле во спортска обложувалница во Ченто, која ја ограбиле, соопшти МВР.
„СВР Скопје поднесе кривична пријава против Е.Н.(23) од с.Арачиново, скопско поради постоење основи на сомнение за сторени кривични дела „разбојништво“ и „одземање на моторно возило“, соопшти полицијата.
„Пријавениoт,заедно со уште едно лице, на 21.02.2021 на ул.„Петре Филиповски Гарката“ одзеле патничко возило „форд фиеста“ и околу 20.00 часот со возилото отишле во спортска обложувалница на ул.„Јужноморавски бригади“, каде што со закана од вработените одзеле пари“, се додава во соопштението од МВР.