Правниот тим на Левица поднесе предлог за изрекување на привремена мерка против АВМУ и ДИК. Претседателот на партијата, Димитар Апасиев најавува битка и до Стразбур, доколку македонските судски инстанции не реагираат.
„Нашиот правен тим поднесе Предлог за изрекување привремена мерка до Основниот граѓански суд – Скопје против АВМУ и ДИК! На потег се домашните судски инстанции да ја спречат политичката дискриминација која и се врши на Левица.
Доколку македонските надлежни органи останат слепи и глуви на овој досега невиден скандал во плуралистичка Македонија, продолжуваме и до Европскиот суд за човекови права – Стразбур“ – стои во објавата на Апасиев.