Антониа Гиговска му откажа на Артан Груби: Менаџерот ме пријавил без да знам, мене политика не ме интересира

Од:

Македонската музичка ѕвезда Антониа Гиговска го откажа учеството на музичкиот спектал на плоштадот „Скендербег“ во Скопје со кој ќе се одбележи 21-годишнината од потпишувањето на Рамковниот договор и започнувањето на преговори за полноправно членство во ЕУ.

dobivaj vesti na viber

Еден ден по владината реклама дека ќе биде една од ѕвездите на Мировниот фестивал што предизвика и многу негативни реакции на социјалните мрежи дека ќе пее на политичка забава, Антониа Гиговска одлучи да го откаже учеството со изговор дека нејзиниот менаџмент прифатил ангажман за кој не знаела дека има политичка конотација.

„Антониа Гиговска нема да биде дел од настанот “Peace Festival“. Менаџментот прифати ангажман за кој не знаев / не знаевме дека има политичка конотација, па оттаму бев приморана да го откажам мојот ангажман, се разбира со секоја почит кон организаторот и кон било која политичка страна. Јас не сакам да бидам дел од такви манифестации ,ниту некогаш сум била.. Политиката не ме интересира. Мојата работа е да правам музика која ќе остане и на фановите да им го дадам најдоброто од мене. Ваша Антониа“, гласи кратката порака која ја испрати до „А1он“ после неколку часа откако редакцијата ја побара Антониа за потврда дали ќе го откаже учеството на настанот.

Нејзина замена ќе биде Владо Јаневски, а неговата фотографија се појави на офоцијалниот профил на владата.

Министерството за политички систем ќе го организира музичкиот хепенинг „Мировен фестивал“ и школата за млади лидери во Маврово наречена „Peace forum dialogue“ кои граѓаните ќе ги чинат 70.000 евра. Ова за „А1он“ го потврдија од кабинетот на првиот вицепремиер Артан Груби:

„За сите манифестации за одбележување на Охридскиот мировен договор од буџетот на Министерството за политички систем и односи меѓу заедниците се одвоени средства во износ од 4.200.000,00 денари и за реализација на одбележувањето на 21-годишнината на Рамковниот договор е задолжена Агенција. Истата согласно склучениот договор веќе објави оглас за пријавување на млади за учество на првата школа за млади лидери наречена “Peace forum dialogue” согласно програмата на Владата усвоена во Собранието“, истакнаа од министерството за политички систем.

Оттаму рекоа дека целта на оваа школа е да ги спои одбележувањата на Охридски, Преспански и договорот за добрососедство со Бугарија заедно со целокупна тридневна организација на школата со над 90 учесници и неколку предавачи. Во сабота ќе се одржи и првиот Мировен фестивал кој заедно со школата треба да стане традиционален настан.

„Ќе ангажираме домашни и странски естрадни ѕвезди и бендови за првиот Мировен Фестивал “Peace Festival” кој што, заедно со школото, целиме да стане традиционален настан и да прерасне во неколкудневен фестивал налик на Sunny Hill Festival и Exit.“

Од министерството рекоа дека настапот на фестивалот на плоштадот „Скендербег“ го потврдиле Мајк, Нора Истрефи, Фифи, Ермал Фејзулаху, Кида и Луми Б.

Би можело да ве интересира

Груби: Зборуваме со пратеници од опозицијата за уставни измени, ни влеваат доверба дека ќе ги поддржат

Горан Наумовски

Груби од Тетово одзел зграда каде се следи настава на македонски јазик, Касами: Ова нема здрава логика

Кристијан Ландов

Артан Груби: Владата одобри 1,1 милиони евра за санирање на канализација во Арачиново

Орце Костов

(ВИДЕО) На Маричиќ не му било пријатно кога слушнал како е исвиркан македонскиот јазик на фестивалот организиран од Груби

Катерина Павлова-Николовска

ВМРО-ДПМНЕ: Власта да се извини за исвиркувањето на македонскиот јазик на прославата на ДУИ

Лефков: Прославата за Рамковниот договор е приватна забава на ДУИ

Катерина Павлова-Николовска