Истражувачкиот центар на „Макфакс“ спроведе онлајн анкета со прашање „Кого ќе потфати метлата на Заев?“ во траење од 24 часа спроведена на 15 веб-страници.
Најголем дел од испитаниците, односно 67,7 отсто одговориле „Никого“ додека пак 11,3 отсто одговориле „министрите“. 11,1 отсто сметаат дека директорите се оние кои ќе бидат разрешени, а според 9,9 отсто од испитаниците, внатрепартиските функционери во општинските организации ќе бидат на мета на премиерот Зоран Заев по претседателските избори.
На анкетата вкупно гласале 3,887 граѓани од кои 69,71 отсто мажи и 30,29 отсто жени. Во однос на возраста најзастапени во анкетата се оние од 25 до 34 години односно 36,78 отсто, додека пак 34,24 отсто од тие што гласале се на возраст од 35 до 44 години.
Анкетата започна на 24.04.2019 во 12 часот и траеше 24 часа.