Анкета: Мнозинство демонстранти во Хонг Конг се млади и школувани

Од:

Хонг Конг, 14 август 2019 (МИА) – Мнозинство демонстранти во Хонг Конг се универзитетски образовани, речиси половина се во своите дваесетти години и скоро сите ја мразат полицијата, според академско истражување што фрла ново светло на движењето.

Демонстрациите во Хонг Конг се одржуваат веќе 10 недели.

Протестите што започнаа по нацрт-законот, со кој се дозволува екстрадиција во континентална Кина, влегоа во поширок обид да се смени сликата во демократски слободи.

Истражувачи од градски универзитети ги анкетирале учесниците на 12 протести – вклучувајќи масовни митинзи и демонстрации меѓу 9 јуни и 4 август и откриле дека 54 проценти биле машки, а 46 проценти се жени.

Севкупно, 77 отсто од 6.688 испитаници рекле дека имаат високо образование, и 21 отсто велат дека имаат средно образование.

Најмногу од нив се на возраст од 20-29 години – 49 отсто, наспроти 11 отсто под 20 и 19 отсто на возраст меѓу 30 и 39 години. Шеснаесет проценти имале 40 и повеќе години.

Точно половина (50 проценти) сметале дека се средна класа.

На прашањето зошто демонстрираат, 87 проценти рекле дека сакаат да се повлече нацрт-законот за екстрадиција, 95 проценти изразиле незадоволство од постапувањето на полицијата во протестите и 92 проценти повикуваат на формирање независна истражна комисија. Истражувањето е на државниот Универзитет во Хонг Конг, Универзитетот Ханг Сенг, Универзитет Лигнан и Баптистичкиот Универзитет во Хонг Конг.

Би можело да ве интересира

Анкета на ДУИ: Бујар Османи сигурно влегува во вториот круг во изборот за претседател

Орце Костов

Пад на поддршката за членство во ЕУ, само 24 отсто од граѓаните даваат поддршка за уставните измени

Горан Наумовски

(ВИДЕО) И „вмровците“ и „сдсмовците“ ја сметаат Бугарија за најголема закана, а Србија е најголем пријател за граѓаните

Орце Костов

Хонг Конг ги затвори училиштата, властите објавија црвен аларм поради обилни врнежи

Се помалку Руси ја поддржуваат војната

Горан Наумовски

Анкета: Поддршката за инвазијата на Путин кај Русите првпат паѓа под 50 отсто

А1он