Факултети.мк спроведе анкета од 14 до 18, на која учествувале 1052 испитаници и вклучувала 10 прашања, односно 10 предлог закони од Министерството за образование.
„За предлог законот за Академија за наставници (резултати), испитаниците велат не – 59% од нив се против законот; Предлог законот за наставници во основните и средните училишта(резултати) испитаниците дадоа зелено светло – 52% од нив го поддржуваат овој закон; 55% се против редефинирањето на Болоњскиот систем (резултати); За предлог законот зазадолжителен устен испит (резултати) гласаа 62% наспроти 39% кои го прифаќаат законот; Испитаниците со категорично не за воведување на државен испит (резултати) – 86% од нив се против законот, а 14% за. Испитаниците велат дека со државниот испит проблемот се решава површински; Предлог законот за испит за студентите странски државјани(резултати) помина позитивно – 63% велат да, а 38% велат не; За предлог законот студиски програми од трет циклус на студии (резултати) да можат да организираат само универзитетите кои се меѓу првите пет рангирани универзитети и високообразовни установи во состав на универзитетите гласаа 60% од испитаниците; Испитаниците сметаат дека ректор или декан на високообразовна институција не може и не треба да биде истрански државјанин (резултати) – 28% го прифатија предлог законот, а 73% рекоа не;
За предлог законот на педагошките факултети (резултати) да можат да се запишат студенти со минимум просечен успех од 4.00 во средното образование, и полагање на посебен приемен испит за педагошките факултети 65% од испитаниците велат да, затоа што денес секој го завршува овој факултет, а 35% се против законот; Законот за обука и испит надиректор за основно училиште (резултати), средно училиште, ученички дом и отворен граѓански универзитет за доживотно учење го прифатија 63% од испитаниците, а 37% велат не“, се резултатите од анкетата која ја спроведе Факултети.мк.