По вчерашната реакција од Здружението за заштита на животните, Анима Мунди организаторот на „Спортските игри во Железара“ како и претставници на КФМ Железарец увериле дека никаква дисциплина бркање петел, точка со мачење на животно нема да има за време на тридневниот спорстки настан.
-Дисциплината бркање петел застапена на флаерите е наш технички превид за кој Ви се извинуваме. Ве известувам дека дисциплината бркање на петел е организирана само еднаш во 2010 година, односно првиот турнир. Сликите кои се излезени во јавноста се од првиот турнир(прикачени и во 2011 година). Ние грешката ја соочивме уште првата година и затоа таа дисциплина ја исфрливме од нашата програма за турнирот. Флаерите кои се закачени за оваа година ќе ги отстраниме од јавните места во населбата и Ви ветуваме дека дисциплини кои ги загрозуваат животните нема да бидат дел од нашата програма, е одговорот и појаснувањето кое Здружението го доби од организаторите.