„Шокирани во однос на вчерашното бегство на 2 волка од ЗОО Битола и нивното убивање од страна на службите во Битола, бараме и инсистираме на итно затварање на Зоо Битола и најстрога казна за одговорните лица!
„ Волкот дефинитивно е ликвидиран, се вратил во живеалиштето, но повторно се обидел да бега па мораше да го застрелаат“ рече Нешовски.
Ова е изјава дадена од самиот директор на оваа трагична институција која во ниту еден случај не ги задоволува стандардите за заштита и благосостојба на животните, која освен што ги измачува животните, е континуирана закана и опасност по жителите на Битола!
Директоре Нешовски, вашата ликвидација на живи битија за кои како институција сте се „грижеле“, укажува јасно каков третман имаат животните и како вие лично ги доживувате. Сте „ликвидирале„ 2 живота кои биле осудени на заробеништво и од очај посегнале по слобода. Починивте убиства. Фактот дека 2 волка избегале од таму, укажува пак каква е безбедноста на граѓаните – оние кои влегуваат во Зоолошката, но и оние кои живеат во градот.
Ги повикуваме институциите на итна реакција и одземање на дозволата за работа на Зоолошката во Битола, и итно одземање на животните. Време е во интерес на живите несреќни животни и заштитата на жителите на Битола, таа тажна Зоолошката да се ликвидира – засекогаш“, се вели во соопштението на Анима Мунди.