Ангов: Потребна е воздушна помош поради алармантната состојба со пожарот во село Николиќ

Од:

Потребна е воздушна помош поради алармантната состојба со пожарот во село Николиќ, објави на неговиот Фејсбук профил градоначалникот на Дојран, Анго Ангов.

Пожарот кај ова дојранско село се гасне веќе трет ден, а според последната информација од Центарот за управување со кризи (ЦУК) гори нискостеблеста шума.

Два тима на пожарникари од ТППЕ Струмица по наредба на градоначалникот Костадин Костадинов заминаа на помош на своите колеги во Крива Паланка и селото Николиќ, Дојран, за да помогнат во справувањето со големите огнени стихии.

Инаку, лани, на почетокот на август, имаше голем пожар пред селото Николиќ, кој се гаснеше со поддршка од воздух.

ТППЕ Струмица пред малку објави дека во последен момент е спречено разгорувањето на шумскиот пожар што избувнал попладнево во падините на Беласица, над селото Мокрино. Екипи на ТППЕ Струмица, помогнати од ЈП „Национални шуми“ и месното население го изгаснле пожарот.

Би можело да ве интересира

Митовски: Пожарите во Крива Паланка се локализирани, но сѐ уште постои опасност од разгорување

Кај селата Орман и Волково се запалени куќи, пожари има и на гробиштата зад касарната „Ѓорче Петров“

Горан Наумовски

Пожарот кај селото Николиќ во општина Дојран се прошири и на грчка страна

Пуштена за сообраќај е скопската обиколница, сообраќајот кон ГП „Блаце“ пуштен само за патнички возила

Горан Наумовски

Грција испрати два „канадери“ и пожарникари да помогнат во локализирање на пожарот кај Дојран

Горан Наумовски

Обвинителството започна истрага за пожарот во Визбегово