Новиот директор на ОТА уверува дека веќе не се прислушува незаконски. Тој пред почетокот на првата средба со Комисијата за надзор над спроведувањето на пи-мерките за следење на комуникациите од страна на МВР, финансиската полиција, царинска управа и министерството за одбрана рече дека опремата е пренесена во новофорнираната ОТА и дека од 1 ноември ќе почне со работа. Агенцијата привремено ќе биде сместена во Централата на Телеком. Ангеловски вети транспарентност во работата.
-ОТА ќе биде транспарентна пред надлежните комисии за следење на нејзината работа. Можам да кажам дека во моментов опремата е пренесена во ОТА и нема незаконско прислупување, рече директорот Зоран Ангеловски.
Освен оваа собраниска комисија, втората комисија надлежна за работата на ОТА е граѓанската, третата е комисијата за класифицирани податоци, а четвртата е за заштита на лични податоци.
Галена Николовска-Ризвановиќ