Митко Андреевски со писмено соопштение ги демантира тврдењата на Васил Пишев искажани на денешната прес конференција.
„Целосна лага се трвдењата на г-динот Васил Пишев кои имаат политичка заднина, а со цел прикажување на лажни вести за манипулација на јавноста.
Паднаа во вода лагите за 2.5 милони профит, па денес сме сведоци на нова серија лаги. И за оваа серија на лаги очекувам извинување до мене, фирмата Си ЕН ЏИ и компанијата Галилео С.А која ја претставуваме.
За јавноста ги доставувам следните факти:
Си Ен Џи системс ги исполнува сите предвидени услови во тендерската документација, под реден број 05-29/10, објавена во БЈН и Европско гласило а истата е регистрирана како економски оператор во Бирото за јавни набавки.
Наводната фирма како што ја нарекува г-дин Пишев „Галилео С.А“ е светски позната компанија и истата е посетена во 2013 год лично од Никола Груевски и Зоран Ставревски и на таа средба е разговарано за проектот во Струмица. За таа средба се надевам постојат и соодветни записници за кои г-дин Пишев требал да праша во Владата на РМ.
Посочувам дека пазарот на природен гас е либерализиран и не е возможно да се фаворизира одредена компанија, ако таа не е способна да реализира ваков тип на снабдување со природен гас.
Барам г-динот Пишев да се извини во рок од три дена за грубите лаги со кои сака да и наштети на компанијата со којашто раководам и кон мене лично, во спортивно против него ќе биде покрената кривична пријава лажно пријавување, како и за клевета“ се вели во демантот на Митко Андреевски