Ексфункционерот од ВМРО-ДПМНЕ Оливер Андонов смета дека поранешниот премиер Никола Груевски во случајот „Тенк“ на СЈО за набавката на „мерцедесот“ е осуден без докази.
„Треба да се запрашаме во кое општество живееме. Се суди експремиер за набавка на ‘мерцедес’, а не се посочи како е направено кривичното дело и не се приложија докази за тоа. Треба да се запрашаме како владее СДСМ. Нема правда, само политички монтирани случаи, многу е јасна работата во целост“, рече Андонов на протестот „Правда за Груевски“ пред кривичниот суд.
Пораката на народот од 30 септември, додаде тој, е јасна, а тоа е дека не ги поддржуваат политиките на власта.
Андонов смета дека расположението кај пратениците не е за да се одземе мандатот на Груевски.
Кристијан Ландов