Шефот на Делегацијата на Европската Унија во Македонија Самуел Жбогар денеска ќе ја посети Битола како дел од кампањата „ЕУ за ТЕБЕ“, чија цел е да се подигне свеста и да се информира јавноста за помошта од ЕУ во земјата.
Како што соопштија од Делегацијата на ЕУ, во Битола амбасадорот Жбогар ќе се сретне со градоначалничката на општината Наташа Петровска, а ќе посети и неколку проекти финансирани од ЕУ кои се спроведуваат во рамки на Програмата за прекугранична соработка со Грција.