Амбасадорот на Република Македонија во Грција Сашко Стефков утре ќе се сретне со заменикот министер за надворешни работи на Грција Димитрис Куркулас.
Како што јави дописникот на МИА од Атина, средбата е закажана одамна и не е директно поврзана со посетата на медијаторот Метју Нимиц на Атина и Скопје.
На средбата ќе се разговара за билатералните односи меѓу Македонија и Грција и за унапредување на соработката во рамките на европските прашања.