Во посета на Општина Штип денеска беше амбасадорот на Италија во Република Северна Македонија, Андреа Силвестри, информираат од кабинетот на градоначалникот на Општина Штип, Сашко Николов.
Во соопштението се наведува дека Николов и Силвестри заклучиле оти Штип како центар на истокот заслужува да се развива со брзо темпо и ги содржи сите потребни компоненти да стане град во кој младите тука ќе ја градат својата иднина.
-Амбасадорот Силвестри го запознав со сите досегашни реализирани проекти, разговаравме и за економскиот развој помеѓу штипските компании и италијански компании и изучување на италјанскиот јазик во Штип со отварање на италјанско катче, вели Николов.
Посочува дека како градоначалник и во име на Општина Штип му се заблагодарил за традиционалното пријателство на Република Италија, како и за искрената поддршка којашто Штип ја има од оваа убава земја.