Британскиот амбасадор во Македонија, Чарлс Гарет, препладнево на својот Твитер профил напиша:
„Какви се овие вести за овозможување на помилување за изборна измама?“
Оваа реакција на амбасадорот Гарет следува по вчерашната одлука на Уставниот суд да ја прифати иницијативата за измени на Законот за помилување, со која му се дава право на претседателот на државата да помилува лица осудени за изборнен криминал.
Претставката за амнестија на лица осудени за изборни измами е поднесена од охридскиот адвокат Ристо Китески, кој работи во адвокатска канцеларија на бранител на осомничени во случајот „Титаник“.