Амбасадорот Џес Бејли отвори Центар за млади во Гостивар

Од:

Амбасадорот на САД во Македонија Џес Бејли предаде во употреба Центар за млади и заедницата (Youth and Community Centеr) во Гостивар и порача дека од денес младите гостиварци ќе имаат место во кое ќе ги унапредуваат меѓусебните односи.

На пригодната свеченост по повод отварањето беа претставени дел од активностите кои почнаа да се спроведуваат во овој центар. Амбасадорот Бејли ја истакна мултикултурата на Гостивар како предност и порача таа да се негува.

– Отворањето дојде многу побрзо отколку што сите ние се надевавме. Тоа е и затоа што имаше одлична соработка со Општината Гостивар, со градоначалникот, со бизнис-секторот и многу други кои ја обезбедија својата поддршка и овозможија целата заедница да се спои. Овој проект се занимава со потребите коишто веќе ги слушнавме, потребите на младината. Ова е место каде што луѓето се среќаваат и разговараат, лице в лице, а не онлајн, на мрежите. Затоа сметам дека ова е навистина моќна предност што ќе им помогне на младите луѓе да се разбираат меѓу себе, рече амбасадорот Бејли во обраќањето.

Новоотворениот Центар за млади има за цел да ѝ помага на младата популација во професионалниот и личен развој. Во него ќе се спроведуваат проекти за поддршка за градење кариера, претприемништво и разни креативни, културни настани и воннаставни активности за учениците. Функционирањето на ценатрот е финансиски поддржано од Амбасдата на САД во Македонија.

Амбасадорот Бејли при посетата на Гостивар имаше и едночасовна средба со градоначалникот Арбен Таравари.

Би можело да ве интересира

Полицијата ќе им укажува на угостителите за почитување на одлуките за заштита од ширење на „Kовид-19“

Ана Ололовска

Притвор од 30 дена за осомничениот за убиството на сопругата во Гостивар

А1он

Фатен осомничениот за свирепото убиство на сопругата во Гостивар

А1он

Општина Гостивар бара користење „Гугл мапс“ за поефикасно решавање на предметите за легализација на дивоградби

А1он

Во Тетово и Гостивар по петти пат протести против поскапувањето на струјата

А1он

Инспекции ја тресат општина Гостивар, за Таравари тоа е притисок од централната власт

А1он