Состојбата на заедниците кои се под 20 проценти, нивната правична застапеност во админстрацијата, образованието на мајчин јазик и промовирање на нивната култура биле тема на средбата на амбасадорката на БиХ, Лепа Бабиќ во Агенцијата за остварување на правата на заедниците со директорите Илхан Рахман и Џелал Хоџиќ.
Како што соопштија од Агенцијата, директорот Рахман зборуваше за позицијата и улогата на АОПЗ, како и потребата од измени на законот со кој ќе се зголемат ингеренциите на ова тело. Џелал Хоџиќ, се додава, ја информираше амбасадороката Бабиќ за идните планови на Агенцијата, како и активностите во месец ноември, кои се резултат на обновената соработката со ОБСЕ.
– Амбасадорката Бабиќ ги информираше Рахман и Хоџиќ за договорите кои Македонија и Босна и Херцеговина наскоро треба да ги потпишат, како и плановите за подобрување на соработката во полето на образованието. Амбасадорката напомена и дека се прават сериозни напори да се воспостави авио линија Скопје-Сараево, стои во соопштението.
На состанокот, се додава, станало збор и за потребата од редовна соработка помеѓу Амбасадата на БиХ и АОПЗ, а заменик-директорот Хоџиќ побарал АОПЗ да биде дел од агендата кога во посета на Македонија доаѓаат претставници на институциите од Босна и Херцеговина.