Американската амбасада во Скопје реагираше на денешната собраниска седница на која владејачкото мнозинство ги одби барањата за измени на законите со кои СЈО би добиле продолжување на рокот за работа, како и измена на законот за заштитени сведоци.
„Ги охрабруваме сите партии да се придржуваат кон обврските преземени со договорите од Пржино и од 20 јули за да осигураат веродостојни избори и непречена работа на Специјалното обвинителство и на независните набљудувачи на медиумите. Воспоставувањето отчетност за неавторизираните прислушувања и сомнежите за владина злоупотреба се суштествени за да може Македонија да излезе од продолжената криза. Веруваме дека се разумни барањата на СЈО за поддршка на темелна, независна истрага на фактите“, се вели во соопштението на Американската амбасада во Скопје.