Алтернатива одлучува дали ќе биде дел од владината коалиција

Од:

Централното претседателство на Алтернатива вечерва на седница одлучува дали партијата ќе се приклучи кон Владата и парламентарното мнозинство или ќе остане во опозицискиот блок.

Членовите на Централното претседателство треба да му дадат насока на Централното собрание, највисокиот орган на партијата, кое треба да донесе финална одлука.

Дел од пратениците на Алтернатива сметаат дека доколку нивната партија донесе одлука да стане дел од Владата, услов треба да биде давањето предност на програмата на партијата, пред позициите во власта.

Партискиот лидер Африм Гаши во интервју за денешна „Политика“ најави дека во носењето на одлуките Алтернатива ќе се води од очекувањата на своите гласачи, интересите на Албанците во Северна Македонија, како и државните интереси.

– Ако во преговорите видиме дека Зоран Заев навистина има искрена желба да ја спаси државата од овој грч, ќе се обидеме да му помогнеме. Длабоко сме заинтересирани за продолжување на евроатлантскиот курс на земјата, за отворање на преговорите за членство во ЕУ, за решавање на спорот со Бугарија и за политичка и економска стабилност, истакна Гаши.

Тој минатата недела имаше средба со премиерот и лидер на СДСМ Зоран Заев на која беше официјализиран предлогот Алтернатива, која има четири пратеници, да биде дел од владината коалиција, со што би се зголемило и владејачкото мнозинство во Собранието.

Пратениците на Алтернатива беа потписници на иницијативата за недоверба на Владата, но откако Кастриот Реџепи од Беса не дојде на седницата пропадна овој обид на опозициските партии. Сега, Заев се обидува да го зголеми мнозинството во Собранието со што наместо 61 пратеник би имало 65. Тоа би овозможило зајакнување на позициите на мнозинството и стабилна Влада.

Би можело да ве интересира

Гаши: Ако не биде изгласан нашиот кандидат за член на ДИК, ќе го бојкотираме Собранието

„Европски сојуз за промени“ е името на коалицијата на опозицискиот албански фронт

Предраг Петровиќ

Ќе се почувствува молњата што доаѓа: Алтернатива, Беса и Демократско движење од следната недела официјално

Османи го злоупотребува ОБСЕ за да влијае на набљудувањето на изборите обвинува албанската опозиција

Орце Костов

Талат Џафери, ДУИ и Алијанса го спасуваат Љубомир Јовески од интерпелација тврди албанската опозиција

Катерина Ѓуровски

Алити: И кога ЕУ реагира негативно на измените на Кривичниот законик, власта манипулира со образложение дека се неопходни за реформите во правосудството

Предраг Петровиќ