Албански државјанин, кој имал забрана за патување во земјите-членки на Европската Унија со фалсификуван пасош, вчеравечер бил приведен на преминот Табановце.
Според информациите на МВР, вчера во 21,35 часот на граничниот премин Табановце, на излез од Македонија со автобус допатувал Н.С.(33) од Церјан-Албанија, државјанин на Албанија. По извршена пасошка контрола констатирано било дека патната исправа на лицето е фалсификувана, односно на две страници е прелепуван дел од друга патна исправа со цел прекривање на постоечка забрана за влез во земјите-членки на Европската Унија.
Лицето е приведено и предадено во полициска станица Куманово за понатамошна постапка.