Актерот Висар Вишка разрешен од директорското место од театарот во Гостивар, инспекцијата утврдила неправилности

Од:

По надзорот што го направила инспекцијата на Министерството за култура, денеска од раководното место на театарот во Гостивар е разрешен актерот Висар Вишка. Како што дознава А1он, инспектори од Министерството за култура утврдиле неправилности во работењето поврзани со финансии, а деталите дополнително ќе бидат соопштени.

„Директорот Висар Вишка се разрешува поради работа која не е во согласност со закон и статут и во други случаи предвидени со закон. Министерството за култура преку овластен инспектор за култура на 28 10.2020 година изврши вонреден инспекциски надзор во НУ Гостиварски театар-Гостивар, при што се утврдени низа неправилности во работењето на назначеното раководно лице“, потврдуваат за А1он од Министерството за култура.

За нов вршител на должност е поставен вработен од колективот на театарот.

Вишка беше назначен за директор во септември минатата година, а на ова место дојде како вработен во Македонскиот народен театар и беше советник на министерот за култура Асаф Адеми, кој ја отвори Националната установа „Гостиварски театар“.

Тогаш беше објавено дека со одлука на Владата ќе има 27 вработени и дека театарот ќе ја дели сцената со Центарот за култура АСНОМ. Адеми тогаш кажа дека за старт на театарот ќе бидат издвоени 10 милиони и 225 илјади денари (околу 165.000 евра).

Би можело да ве интересира

По седум години кочење, започнува доизградбата на стариот театар во Струмица, изјави Мицкоски

Горан Наумовски

Вчера вечер во Центарот за култура „Трајко Прокопиев“ во Куманово се отвори МТФ Денови на комедија 2025 година.

Предраг Петровиќ

Under 600 – новиот фестивал на независна театарска продукција

Во Прилеп свечено отворен 59. МТФ „Војдан Чернодрински“

Предраг Петровиќ

Синдикатот на културата одржа протестен совет: Бараат исплаќање на платите и почитување на колективниот договор

А1он

СДСМ: Нема плата за Велигден за културните работници

А1он