Во вонредни контроли што ги спроведе викендов Полициската станица за безбедност во патниот сообраќај во Охрид се евидентирани осум возачи кои ја пречекориле брзината на движење во и надвор од населено место со брзина поголема од 10 до 50 километри на час.
Покрај тоа, регистрирани се четири непрописно паркирани патнички моторни возила и осум прекршоци направени од возачи на велосипеди со помошен мотор и мопеди.
Кај четири лица регистрирано е некористење на заштитен шлем-кацига за време на управување со мопед, еден случај на управување без возачка дозвола, еден случај на управување мопед со изминат рок на важност на регистрација и еден на нерегистриран мопед.
Против лицата што сториле прекршоци преземени се соодветни мерки и издадени се еден мандатен и седум прекршочни платни налози, две лица се писмено предупредени, а четири се повикани на сообраќајна поука.
