АХВ: ВМРО-ДПМНЕ како шпанска серија, без крај ја дезинформира јавноста за антраксот

Од:

ВМРО-ДПМНЕ со денови, во стилот на шпанска серија без крај, ја дезинформира јавноста и пласира невистини во однос на болеста антракс. Вакцинацијата против оваа болест која се спроведува секоја година е веќе реализирана од страна на некои ветеринарни друштва, а добитокот во 22 дистрикта не е оставен невакциниран, реагира АХВ на прес-конференцијата на Цветан Трипуновски.

АХВ ги отрфли како неосновани обвинувањата на Трипуновски кој рече дека четири месеци немало вакцинација за антракс па 22-те подрачја низ земјата каде болеста е детектирана, останале без превентива.

-Не постои законски дефиниран рок во рамки на една календарска година за спроведување вакцинација против антракс од страна на ветеринарните друштва со кои Агенцијата за храна и ветеринарство има склучено договори за спроведување на Годишната наредба за здравствена заштита на животните. Тоа е работа на договор меѓу нив и сточарите, а ова треба да го знае ВМРО-ДПМНЕ која со Агенцијата за храна и ветеринарство раководеше цели 11 години, наведува АХВ.

Според Агенцијата, Трипуновски или неговиот брифер во изминатите 11 години требаше да научат дека зависно од производителот, имунитетот на вакцината е најмалку една година и повеќе.

-За жал, не научиле ниту дека Агенцијата за храна и ветеринарство согласно законите нема обврска да ја известува јавноста за појавата на болеста, туку веднаш, навремено да ги преземе сите мерки за заштита на добитокот и на населението. А тоа е сторено, децидни се од АХВ.

Би можело да ве интересира

(ВИДЕО) ВМРО-ДПМНЕ обвинува за криминал од 12 милиони евра за набавка на лични документи

А1он

Општините ќе ги добијат од АХВ преостанатите бесплатни микрочипови за милениците

Ана Ололовска

Нема веќе вакцинирање против беснило и јазлеста кожа, ќе се врши само мониторинг

Ана Ололовска

Во 2019 година во земјава немало ниту едно труење со храна

Ана Ололовска

Опасноста од африканска свинска чума ќе потрае, забраните остануваат во сила

Ана Ололовска

СДСМ: Очаен обид на ВМРО-ДПМНЕ, неспособноста на кадрите на Мицкоски во техничката влада не може да ги прикрие со измислици