АХВ: Спроведни 738 вонредни контроли – констатирани пропусти, издадени решенија за нивно остранување

Од:

Пропусти во поглед на почитување на препораките за заштита од корона вирусот, како и недоследности во однос на општите хигиенски услови и продажба на производи со изминат рок на употреба, како и пропусти во редовното водење записи за спроведување на добри хигиенски практики, утврдени се при контролите што ги врши Агенцијата за храна и ветеринарство. За утврдените недоследности, донесени се 32 решенија за нивно отстранување, изречени се 46 мерки едукација и две парични казни.

Како што информираат од АХВ, 738 вондредни контроли спровеле инспекторите за храна и официјалните ветеринари во изминатите две недели, во продавници, супер маркети, угостителски објекти и месарници, од стартот на засилените инспекциски контроли кои Агенцијата за храна и ветеринарство (АХВ) почна да ги спроведува кај операторите со храна, од 16 март годинава.

Засилените контроли, велат од АХВ, се спроведуваат како дел од активностите на Агенцијата за намалување на ризиците и спречување на ширење на вирусот КОВИД-19, во рамки на кои се вршат проверки дали операторите со храна покрај, основните и посебните услови за производство, дистрибуција и трговија со храна, ги почитуваат и препораките на Владата и Комисијата за заразни болести, за спроведување на засилената дезинфекција на опремата и транспортните средства и објектите за трговија, со цел намалување на потенцијалната опасност од ширење на коронавирусот.

Агенцијата за храна и ветеринарство им препорачува на бизнис операторите со храна да ги почитуваат донесените мерки на Владата на Република Северна Македонија за справување со корона вирусот и неодамна објавените препораки од АХВ за безбедно работење во услови на пандемија со вирусот КОВИД 19.

Би можело да ве интересира

ВИДЕО: За прв пат после 23 години и со карго транспорт, се извезе свежо македонско јагнешко месо во Јордан

Ана Ололовска

АХВ изготви прирачник со препораки за организирање на работата на угостителите во услови на пандемија

А1он

АХВ уништи над 85 тони небезбедна храна

Ана Ололовска

ВИДЕО: Рестораните пред отворањето задолжени да направат дезинфекција на опремата и објектот

Маја Илиевска-Пачемска

Атанасов: Ковид-19 не може да се пренесе преку храната, со нејзина консумација, но може преку пакувањата на производите во маркетите

Ана Ололовска

ВИДЕО: АХВ за еден месец спроведе 1.645 инспекциски контроли

Ана Ололовска