Во Агенцијата за храна и ветеринарство денеска ќе бидат предадени опрема и возила, донација од Европската унија.
Донацијата е обезбедена преку проектот „Набавка на опрема за официјални контроли на Агенцијата за храна и ветеринарство и опрема за граничната ветеринарна инспекција Блаце и Табановце“.
На промопредавањето ќе присуствуваат директорот на Агенцијата за храна и ветеринарство Зоран Поповски и раководителот на Секторот за соработка при Делегацијата на Европската унија, Никола Бертолини.
На настанот, како што е најавено, ќе бидат презентирани и започнатите активности за изградба и модернизација на инспекциските места за вршење на ветеринарна и фитосанитарна контрола на граничните премини Блаце, Табановце и Ќафасан.
