Ахмети: Законот за јазици е усвоен, што се однесува до мене

Од:

Лидерот на ДУИ, Али Ахмети, вели дека што се однесува до него законот за јазици е усвоен и дека прашање на време е неговата конечност.

„Сме чекале 150 години, ќе почекаме уште неколку дена“, рече Ахмети на свечена академија по повод 10-годишнината од прогласувањето независност на Косово што се одржа во Скопје во организација на лидерот на ДУИ.

Законот за јазици заглави во Собранието, откако опозициската ВМРО-ДПМНЕ поднесе над 35.000 амандмани. Собранието пред десетина дена информира дека амандманите се преведени и архивирани.

„Со оглед на големиот број амандмани, потребно е тие да се разгледаат и да се постапи по нив во согласност со одредбите на Деловникот за работа на Собранието, по што законот за јазиците ќе биде разгледан“, соопштија од Собранието.

Собранието требаше да почне расправа за амандманите на почетокот на овој месец, но точката беше тргната од дневен ред затоа што амандманите не беа преведени. Законот за јазиците во трето читање се врати во Собранието откако Ѓорге Иванов одби да го потпише и со низа забелешки го врати до пратениците. Засега нема закажано седница.

М.И.П.

Би можело да ве интересира

Ахмети: Албанците сакаат еднаква држава, интегрирана во НАТО и ЕУ

А1он

МВР се сомневало дека Груевски избегал со автомобилот на Ахмети, вели ВРЕДИ

Европскиот фронт се ребрендира во Национална алијанса за интеграција

(ВИДЕО) Ахмети: Четврт векот од Охридскиот договор да не најде горди како вчера, а не омаловажени и потценети, како денес

Катерина Ѓуровски

Ахмети: Јас и Албанците се залагаме за унитарна, заедничка и еднаква Македонија

Албанскиот претседател се сретна со Али Ахмети и порача дека Албанците се одлучувачки фактор во Македонија