Лидерот на ДУИ Али Ахмети во понеделник ќе се сретне со шефот на грчката дипломатија Евангелос Венизелос, информираат од партијата.
Повеќе детали за средбата нема, ниту пак за тоа на чија иницијатива доаѓа. Но, таа може да се толкува како дел од дипломатската офанзива во изминатиов период на првиот човек на ДУИ околу спорот со името.
Венизелос пак вчера го осуди дејствувањето на Златна Зора во надворешната политика на Грција.
За екс министерот за надворешни работи Антонио Милошоски тоа не значи добра волја од Грција за подобрување на добрососедските односи со земјава.