Претседателот на Демократската Унија за Интеграција Али Ахмети денеска во седиштето на ДУИ во Тетово се средна со Амбасадорот на Норвешка Арне Санес Бјорнстад.
Соговорниците, како што соопштија од партијата, разговарале околу политичката криза во Македонија и алтернативите за излез од тешката политичка ситуација.
Ахмети го запознал норвешкиот Амбасадор околу интензивните напори на ДУИ во последниве денови за постигнување компромис меѓу двете страни во интерес на државата.
– Овие денови се од клучно значење за земјата и веќе им припаѓа на македонските политички партии за да ги поддржат алтернативите за излез од кризата укажувајќи подготвеност за политичка одговорност, суштински реформи како и силно враќање на Евро-атланската агенда и одржување на меѓуетничките односи. Свесни дека сериониот судир во земјата ги надминува границите и потенцијалите на Македонија, лидерите на најголемите партии во земјата треба да постигнат компромис веднаш, се вели во соопштението од ДУИ.
Ахмети повторил дека ДУИ ќе продолжи со напорите за излез од кризата во секојдневен контакт со меѓународните партнери од Брисел и Вашингтон, но и во комуникација со страните потписници од Договорот во Скопје.