Претседателот на Демократската унија за интеграции (ДУИ) Али Ахмети честитајќи му го стапувањето на премиерската функција на Косово на Иса Мустафа, повика на интензивирање на односите меѓу двете земји.
– Честитајќи Ви вам заедно со сите членови на кабинетот, Ве повикувам заедно да ги интензивираме нашите напори за уште поголемо приближување на Скопје и Приштина и што поскоро реализирање на заеднички состаноци меѓу двете влади каде што ќе се разговара за реализација на многубројни билатерални договори, вклучувајќи ја и потребата за премин на границата само со лични карти и интегрирано гранично управување како и инфраструктурната поврзаност помеѓу Македонија и Косово, наведува Ахмети во честитката.
Го уверува Мустафа дека кај ДУИ и кај него лично, ќе најдат партнер и соработник во остварувањето на очекувањата на нашите граѓани.