Лидерите на ДУИ и ЛДП, Али Ахмети и Андреј Жерновски на средбата во Мала Речица ги потенцирале добрите односи меѓу двете партии и гиотовноста за продолжување на работата и реализацијата на приоритетите на Република Македонија.
Ахмети го запознал Жерновски за посетата на Соединетите Американски Држави.
Тој потенцирал дека е неопходен компромис за прашањето за името за да може Македонија да стане член на ЕУ и НАТО.
Двајцата соговорници се согласиле дека приоритети на Македонија се добрите меѓуетнички односи, доследна реализација на Охридскиот договор, добрососедските односи и еконмскиот развој на земјата.
Тие се согласиле да продолжи добрата соработка меѓу двете партии и во иднина за развој и добробит на Македонија како држава со граѓанска хармонија, економски развиена и интегрирана во ЕУ и НАТО.
Средбата во Мала Речица траеше час и половина, невообичаено долго за средби меѓу двајца лидери на партии особено што Жерновски е првиот лидер на опозициска партија со кој Ахмети оствари спредба по подолг период.
На средбата освен лидерите беа и претставници од двете партии, а се приклучи и градоначалничката на Тетово Теута Арифи која иницира продлабпчување на соработка меѓу општините Центар и Тетово.