Делегација на Агенцијата за промоција и поддршка на туризмот на Република Македонија (АППТРМ) од денеска до 5 јули ќе присуствува на 25-тата годишна сесија на Парламентарното Собрание (ПС) на ОБСЕ која се оддржува во Тбилиси, Грузија, информираат од Агенцијата.
Целта на посетата, како што велат, е подобра промоција на земјава пред претстојната есенска сесија на ПС на ОБСЕ, која ќе се одржи во Македонија од 29-ти септември до 2-ри октомври 2016 година
Овогодинешната сесија се оддржува под мото „25 години од парламентарната соработка: градење на доверба преку дијалог“ на која учествуваат повеќе од 300 членови на парламенти од над 50 земји низ светот.
– Пред есенската сесија на која домаќин ќе биде Собранието на Република Македонија, АППТ со своја делегација во Тбилиси правипромоција на туристичкиот потенцијал на Македонија преку презентација на македонската култура, традиција и историја, се наведува во соопштението на АППТ.
Македонската делегација во Тбилиси ќе ја промовира земјава преку запознавње на гостите со нашето вино, промотивни материјали и традиционални сувенири кои ја претставуваат нашата култура и традиција.