Адеми: Со Мајка Тереза се гордеат сите граѓани на Република Северна Македонија

Од:

Со Мајка Тереза се гордат сите граѓани на Република Северна Македонија, без разлика на етничката или верската припадност. Со неа се гордее целиот свет, истакна денеска министерот за дијаспора Едмонд Адеми на церемонијата за свечено откривање на статуата на Света Мајка Тереза во Карловац, Република Хрватска, од каде упати пораки за мир, разбирање и меѓусебно почитување.

Како што соопштија од ресорното Министерство, Адеми во своето обраќање рече дека почитта за ликот на Света Мајка Тереза е почитување на сите луѓе со добра волја.

-Почита за Мајка Тереза е почитување на сите луѓе со добра волја секаде низ светот, тоа е свиок и чест пред нејзиното жртвување. Како Албанец од Република Северна Македонија, почитта и честа кон нејзе е дополнително посебна, знаејќи дека милосрдниот мисионер, Св. Мајка Тереза, е родена на 26 август 1910 година во Скопје како Ањезе Гонџа Бојаџиу, истакна Адеми.

Министерот Адеми се заблагодарил на градот Карловац, како и на сите активисти од нашата дијаспора кои иницираа и придонесоа во воспоставување на статуата на Света Мајка Тереза, потенцирајќи дека денови како овој треба да не потсетуваат дека треба да продолжиме и да ја следуваме мировната мисија на Мајка Тереза.

-Не можете сите да правиме големи работи. Но сите можеме да правиме мали работи со многу љубов, рекол во својот говор Адеми, цитирајќи ја Света Мајка Тереза.

На свеченото откривање на статуата на Мајка Тереза, информираат од Министерството, присуствувале и политички претставници од Хрватска, Албанија и Косово.

Би можело да ве интересира

ВЛЕН: ДУИ продолжува да молчи, со каков договор наредија бришење на дијаспората од пописот?

Горан Наумовски

Мицкоски: Владата го усвои Предлог законот за соодветна и правична застапеност

Горан Наумовски

ВМРО-ДПМНЕ и партнерите ќе одбележат една година власт пред платото на Владата

ВЛЕН: Следната недела се затвора историска рана, ќе биде донесен законот за правична застапеност на Албанците

Владата ја усвои новата Стратегија за конфискација на незаконски стекнат имот

Ребалансот на буџетот треба да биде на владина седница најверојатно во четврток