Делегација предводена од министерот за животна средина и просторно планирање Абдилаќим Адеми денеска и утре ќе учествува на неформален состанок на министрите за животна средина на ЕУ што ќе се одржи во Атина, Грција.
На состанокот ќе бидат разменети мислења за подготовките за наредната министерска сесија која ќе се одржи во Бон на 5 и 6 јуни, како и за механизмот од Кјото. Ќе се дискутира и за европската политичка рамка за клима и енергија 2030.