– Демократијата значи да собереш 61 мандат. Ако немаш мнозинство и немаш доволен број на мандати, а си освоил повеќе гласови, не значи дека треба да формираш Влада.
Демократската потреба во Македонија вели 61 пратеник, односно 50% плус 1, рече Џеват Адеми, ДУИ.
Тој кажа дека граѓаните ги прашувале пратениците од ДУИ како издржале во минатите мандати, мислејќи на коалицијата со ВМРО-ДПМНЕ.
– Македонија има еден пат, а начинот на кој што се движи во моментов води кон изолација. И најголемите пријатели се откажуваат од Македонија. Сите ви велат да го почитувате новото мнозинство, рече Адеми.
Илија Димовски во реплика кажа дека обидот ВМРО-ДПМНЕ да се претстави во негативно светло е политика на некои албански политичари кои преку тоа сакаат да го покријат својот неуспех.
– Може да се уверуваме за тоа дека Албанците се криви за нереализираните ветувања кај Македониците и дека македонските политичари се виновни за нереализираните ветувања кај Албанците, но тоа не води никаде, рече Димовски.