По видео снимките кои се појaвија на социјалните мрежи, преку „Фејсбук“ реагираше министерот за дијаспора, Едмонд Адеми.
„Чинот на снимање на гласачите пред конзулатот во Мелбурн од страна на неколку индивидуалци е спротивно на сите закони и вредности на демократијата“, напиша Адеми на својот „Фејсбук“ профил.
Министерот во својот напис додаде и дека институциите од земјава се во контакт со австралиските власти и дека случајот е пријавен, а снимачите се идентификувани и ќе ги сносат сите законски последици согласно австралиското законодавство.