АД ЕСМ: Врнежите ја отежнаа работата во рудниците во РЕК Битола, но снабдувањето со струја е стабилно

Од:

Електрани на Северна Македонија денеска соопшти дека обилните врнежи од снег ја отежнале работата во рудниците во РЕК Битола, но оти снабдувањето со струја е стабилно.

Во соопштението од компанијата се наведува дека од утрово во прекин е работата на Блок 2, но оти електрична енергија се испорачува и граѓаните немаат причина да стравуваат за редовното снабдување со струја. Во моментот се задоволуваат потребите на електроенергетскиот систем со производство на електрична енергија од РЕК Битола, РЕК Осломеј, хидроелектраните и ветерниот парк. Набавка на електрична енергија во моментот нема и не се планира.

– Врнежите од над 100 литри на метар квадратен и надојдената вода, предизвикаа застој во подготовките за поместување на траките кои го пренесуваат јагленот од рудникот Суводол до Термоелектраната, поради што од утрото во прекин е работата на Блок 2. Производството на електрична енергија продолжува од Блок 3, и покрај сериозните предизвици со кои се соочува Комбинатот, велат од АД ЕСМ.

Како што додаваат, електроенергетскиот систем во земјава е стабилен.

– Во услови кога Косово, делови од Србија, Романија се соочуваат со прекини во снабдувањето со електрична енергија предизвикани од временските неприлики, македонскиот електроенергетски систем е стабилен. Ги повикуваме сите чинители, а особено политичките партии во земјава, да не создаваат страв и паника меѓу граѓаните. Актуелните раководства на АД ЕСМ и на РЕК Битола секојдневно решаваат проблеми што, за жал, и ден денес имаат длабоки корени во времето кога електроенергетскиот гигант беше раководен од структури кои пристапуваа несериозно и неодговорно кон електроенергетскиот систем, се наведува во соопштението од АД ЕСМ.

Би можело да ве интересира

ЕСМ: Политичките партии да не не инволвираат во дневно-политичките пресметки

Ана Ололовска

Ќурчиевски: И покрај енергетската транзиција никој во РЕК Битола нема да остане без работа

Ана Ололовска

Ковачевски: Очекуваме во наредните два до три месеци да ја докомплетираме постапката за изградба на топловодната мрежа во Битола

Ана Ололовска

РЕК Битола го стави во функција Блок 1

Ана Ололовска

(ВИДЕО) Ковачевски: Блок 1 во РЕК Битола ќе стане гасна електрана до 2025/26 година

Ана Ололовска

Ковачевски изврши увид во работењето на рудниците Суводол и Брод/Гнеотино и на Термоелектраната

Ана Ололовска