Палестинскиот претседател Махмуд Абас ги повика Обединетите нации да извршат притисок на Израел со цел да дозволи Палестинците од бегалските кампови во Сирија да се засолнат на палестинска територија.
– Претседателот Абас побара од палестинскиот претставник во ОН да примени што е можно побрзо, во соработка со Генералниот секретар на ОН, мерки за враќање на палестинските бегалци од Сирија на палестинска територија, објави канцеларијата на Абас.
Според податоците на ОН има над 525.000 палестински бегалци во кампови во Сирија, од кои голем дел се раселени поради граѓанската војна во земјата.