Кандидатката за градоначалник на Битола од коалицијата предводена од СДСМ, Наташа Петровска денеска изјави дека во следните четири години локалната самоуправа ќе изгради велосипедски патеки кои ќе бидат безбедни се велосипедистите.
– Велосипедските патеки кои планираме да ги изградиме ќе ја опфатат Филип Втори Македонски, булеварот 1-ви Мај, Партизанска, Васко Карангелевски. Тоа се реални проекти кои ќе бидат остварени, рече Петровска.
Таа вети и оплеменување и зазеленување на многу месни заедници и поставување садници.
Петровска најави и изградба на екоцента во градскиот парк, каде што најмладата популација ќе може да ја развива својата еко-култура.
