Во СВР Скопје, 80-годишна жена од Скопје пријавила дека е измамена од едно лице за сума од 615.000 денари.
Според пријавеното, лицето телефонски ѝ се јавило и се претставило како полициски службеник кој работел во Германија, каде живеела и нејзината ќерка, и ѝ кажало дека нејзината ќерка предизвикала сообраќајна несреќа во која прегазила дете кое починало и доколку не сака таа да лежи во затвор, требало да плати.
Жената подигнала пари од банка и ги оставила на договореното место, а подоцна откако се слушнала со нејзината ќерка сфатила дека била измамена.
Од полицијата велат дека се преземаат мерки за расчистување на случајот.
