Во текот на вчерашниот ден во периодот од 12 до 16 часот на територијата на Република Северна Македонија спроведена е акциска контрола на возила што вршат јавен превоз на ученици, за зголемување на безбедноста на учениците од дома до училиште и од училиште кон дома, извести МВР.
– При контролата констатирани се две кривични дела за возење без лиценца по член 284 – а од Кривичен законик и 65 сообраќајни прекршоци. Од нив осум за возење без возачка дозвола, еден за неносење сигурносен појас… Упатени на вонреден технички преглед се 18 возила, соопшти МВР.
– Засилените акциски контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и заеднички да придонесеме за побезбедни патишта, велат од МВР.