Кумановската полиција вчера уапсила 66 годишен жител на липковското село Брест, бидејќи физички нападнал полициски службеник кој извршувал службени задачи, информираа денеска од СВР Куманово.
-Вчера околу 18:30 часот во Куманово, полициски службеници од СВР Куманово го лишиле од слобода А.И.(66) од село Брест, општина Липково со живеалиште во Норвешка, затоа што физички нападнал полициски службеник кој извршувал службени задачи, се наведува во соопштение од СВР Куманово.
Печалбарот со иницијали А.И. бил приведен во полициска станица во градот и по целосното документирање на случајот против него ќе биде поднесена соодветна пријава, велат од кумановската полиција.