Во автомобил управуван од 63-годишен арачиновец, на регионалниот пат Дебар-Маврово, во вечерните часови на 7 февруари, полицијата пронашла околу 30 килограми марихуана.
Како што информираат од МВР, автомобилот „цитроен“ со скопска регистрација, бил сопрен во близина на Мелнички мост, а при преглед на истиот полицијците пронашле и одзеле три јутени вреќи со околу 30 килограми марихуана.
Арачиновецот бил приведен, а по дополнително преземени мерки, на граничниот премин „Блато“ во близина на Дебар, приведени биле и двајца албански државјани на возраст од 41 и 45 години.
По наредба на надлежен Јавен обвинител, приведените лица се задржани во полициска станица во Дебар за натамошна постапка.