Денеска е првиот училишен ден за 570 деца од Центар кои станаа првачиња во 7-те основни општински училишта.
Посакувајќи им успешна прва училишна година, градоначалникот Андреј Жерновски рече дека влегуваат во период кој ќе го паметат цел живот.
“Општина Центар и оваа година го продолжува проектот со кој на родителите им помсга во растеретување на домашниот буџет. Наместо тие, општината ќе ги плати средствата за обезбедувањето, за хигиенски средства и за еднодневна
екскурзија. Со ова полесно и заедно ќе ги пребродиме овие времиња”, рече Жерновски.
На првачињата им подели и училишен прибор-подарок од општината.
Пред почетокот на учебната година, изедени се поголем број на активности- сменети се прозорците во СОУ “Димитар Миладинов”, реконструирани се покривот и аулата во ООУ “Јохан Хајнрих Песталоци”, оградата во “Коле Неделковски”, влезот и плочките во “Кирил и Методи”. Направена е комплетна санација на оштетувањата од поплавата во ООУ ” Кочо Рацин”, а следува и санирање на канализационата мрежа во ООУ” 11 Октомври”.
Бројот на првачиња во Центар во споредба со бројот од пред три години е зголемен за 75 деца.