Едно лице загина вчера при утовар на огревни дрва во вагон во Кичево, соопшти денеска полицијата.
Д.Ј. (50) од Охрид вчера околу 13:20 часот на железничката станица во Кичево при утовар на огревни дрва во вагон од камион „Мерцедес“ со охридски регистерски ознаки, паднал и починал.
Со возило на итна медицинска помош тој бил префрлен во Медицинскиот центар-Кичево, каде била констатирана смрт.
Увид на местото на настанот извршиле јавното обвинителство и екипа од Полициската станица-Кичево.
По наредба на јавното обвинителство врз телото на починатиот ќе се врши обдукција, соопшти МВР.