Жител на Штип е пронајден мртов во близина на штипското село Чардаклија, соопшти полицијата.
Според СВР Штип, во 23:41 часот било пријавено оти во место викано Манастирче, во атарот на селото Чардаклија бил пронајден починат 38-годишниот М.Е. од Штип.
– Од страна на лекар од Итна медицинска помош била констатирана смрт, а увид извршила екипа од СВР Штип, се вели во соопштението.
По насоки на Јавен обвинител, телото на починатиот е предадено на обдукција, која треба да утврди дали станува збор за насилна или за природна смрт, велат од штипската полиција.
