Министерството за внатрешни работи информира дека во текот на вчерашниот ден продолжило со засилените акциски контроли во областа на сообраќајот.
– На територија на град Скопје изречени се вкупно 251 мерка, меѓу кои за возење повеќе од дозволената брзина 136 санкции, 20 мерки за возење без возачка дозвола, 38 мерки за возење под дејство на алкохол. Изречени се 12 мерки за нерегистрирани возила, осум санкции за возач почетник, шест мерки за минување на затворен сигнал (црвено светло)…, соопшти МВР.
„Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.